इन्द्रेणी
१७ फाल्गुन २०८२, आईतवार १६:४१ आईसीसी टी–२० विश्वकप २०२६ अन्तर्गत दुई पूर्व च्याम्पियन टोली पाकिस्तान र श्रीलंका बीच भएको निर्णायक खेलले प्रतियोगिताको सेमिफाइनल समीकरण नै बदलिदिएको छ। सेमिफाइनल पुग्ने आशा बोकेर मैदान उत्रिएका दुवै टोलीबीच कडा प्रतिस्पर्धा देखिएको थियो।
पाकिस्तानले पहिले ब्याटिङ गर्दै शानदार प्रदर्शन गर्दै २० ओभरमा ८ विकेट गुमाएर २१२ रनको ठूलो योगफल बनायो। फखर जमान र साहिबजादा फरहानको उत्कृष्ट साझेदारीले टोलीलाई बलियो अवस्थामा पुर्याएको थियो।
जवाफमा श्रीलंका सुरुवातमा दबाबमा परे पनि मध्यक्रमले शानदार पुनरागमन गर्दै खेललाई अन्तिम ओभरसम्म पुर्यायो। श्रीलंका २० ओभरमा २०७र६ रनमा रोकिएपछि पाकिस्तानले ५ रनको रोमाञ्चक जित निकाल्यो।
तर जित मात्र पर्याप्त भएन। सेमिफाइनल पुग्न आवश्यक रनरेट पूरा गर्न नसक्दा पाकिस्तान प्रतियोगिताबाट बाहिरियो भने उत्कृष्ट नेट रनरेटका आधारमा न्युजिल्यान्ड सेमिफाइनलमा प्रवेश गर्न सफल भयो। अब न्युजिल्यान्डले इंग्ल्यान्ड र दक्षिण अफ्रिकासँग अन्तिम चारमा प्रतिस्पर्धा गर्नेछ। यस खेलले देखायो — क्रिकेटमा जित मात्र होइन, रनरेट र समीकरण पनि उत्तिकै निर्णायक हुन्छ।