इन्द्रेणी
१९ फाल्गुन २०८२, मंगलवार ०७:५१ दिपक के.सी., काठमाण्डौं । इन्द्रेणी विकास केन्द्रका अध्यक्ष तथा चर्चित कार्यक्रम इन्द्रेणीका सञ्चालक कृष्ण कंडेलले फागुन २१ गतेको निवार्चन सुरक्षीत, धाँदलीरहित र भयरहित सम्पन्न हुनुपर्नेमा जोड दिएका छन् । यस्मा सुरक्षा सम्यन्त्र, निर्वाचन आयोग मात्र नभई हामि आम नागरीकले निर्वाचन सम्पन्न गर्न अत्यन्त महत्वपुर्ण भुमिका निर्वाह गर्नुपर्ने बताएका छन् । उनले भने “निर्वाचनलाई सुरक्षित, भयरहित र धाँधलीरहित वातावरणमा सम्पन्न गराउनु राज्य, राजनीतिक दल, उम्मेदवार र मतदाता सबैको साझा दायित्व हो”। निर्वाचन केवल उम्मेदवारको जित–हार होइन, यो जनविश्वासको विषय हो। मतदाता निर्धक्क भएर मतदान केन्द्रसम्म पुग्न सक्ने वातावरण बनाउनु नै साँचो लोकतान्त्रिक अभ्यास भएको कंडेलको भनाई छ ।
फागुन २१ गते तय गरिएको निर्वाचन केवल प्रतिनिधि छान्ने प्रक्रिया मात्र होइन, यो लोकतन्त्रप्रतिको हाम्रो प्रतिबद्धताको परीक्षा पनि हो। मतदान केन्द्रमा खसालिने प्रत्येक मतले देशको दिशा निर्धारण गर्छ।
निर्वाचन आयोग नेपाल ले आचारसंहिता लागू गर्दै निष्पक्ष निर्वाचनका लागि आवश्यक तयारी गरिरहेको जनाएको छ। सुरक्षा निकायले पनि संवेदनशील क्षेत्रको पहिचान गरी विशेष निगरानी बढाएका छन् । तर कानुनी प्रबन्ध मात्र पर्याप्त हुँदैन यसका लागि नागरिक चेतना र नैतिक प्रतिबद्धता उत्तिकै आवश्यक रहेको कृष्ण कंडेलले बताएका छन् ।
निर्वाचनको सबैभन्दा ठूलो शत्रु भनेको भय, प्रलोभन र धाँधली हो। मतदातालाई डर, धम्की वा लोभ देखाएर प्रभावित पार्ने प्रयास लोकतन्त्रविरुद्धको अपराध हो। पैसाको चलखेल, भोजभतेर, मत किनबेच वा मतदान केन्द्र कब्जा जस्ता गतिविधिले निर्वाचनको विश्वसनीयता माथि गम्भीर प्रश्न उठ्ने कंडेलको भनाई छ ।
सुरक्षित र शान्तिपूर्ण वातावरण निर्माण गर्न स्थानीय प्रशासन, सुरक्षाकर्मी र स्वयंसेवकबीच समन्वय आवश्यक छ। मतदानका दिन अनावश्यक भीडभाड, उत्तेजना र अफवाहबाट टाढा रहनु सबैको कर्तव्य हो। सामाजिक सञ्जालमा अपुष्ट सूचना फैलाउने कामले पनि अस्थिरता निम्त्याउन सक्छ, त्यसतर्फ सजग रहन जरुरी छ।
आउनुहोस्, फागुन २१ गतेको निर्वाचनलाई शान्त, सुरक्षित, भयरहित र धाँधलीरहित रूपमा सम्पन्न गराएर लोकतन्त्रप्रतिको हाम्रो जिम्मेवारी पूरा गरौं।