इन्द्रेणी
५ पुष २०८०, बिहीबार १४:१४ कृष्ण कंडेल इन्द्रेणी फाउण्डेशनका अध्यक्ष तथा लोकसप्रिय कार्यक्रम इन्द्रेणीका सञ्चालक कृष्ण कंडेल एक महिना देखि अमेरिकाका विभिन्न सहरमा नेपाली मौलिक लोक गीतसंगीतको जर्गेना गर्ने क्रममा छन् । अध्यक्ष कंडेल अमेरिकामा रहेका नेपाली समुदायका आयो्जना गरेको विभिन्न सांगीतिक कार्यक्रममा सहभागी भई निकै आर्कषक प्रस्तुती समेत दिने गरेका छन् ।
अमेरिकाको बोस्टन सहरमा रहेको ‘बोस्टन लोक सुसेली समूह’ले आयोजना गरेकोे सांस्कृतिक कार्यक्रम ‘सुसेली साँझ’ समेत सम्पन्न भएको छ । संस्थाद्वारा स्थापना गरिएको ‘इन्द्रेणी कोष’को सहयोगार्थ, ५९४ वासिन्टरन स्टेरियमस्थित पशुपतिनाथ बुद्ध मन्दिरमा सो कार्यक्रम सम्पन्न भएको संस्थाका संस्थापक तथा लोक तथा दोहोरी गीत गायक मिन केसीले बताएका छन् ।
गायक केसीले कार्यक्रमको मुख्य उद्देश्य ‘इन्द्रेणी कोष’का लागि आर्थिक सहयोग जुटाउने भएता पनि, नेपाली गीत तथा संगीतमय माहोल बनाएर सहभगीहरुलाई भरपूर मनोरञ्जन दिएको उनको भनाई छ । उनका अनुसार कलाकारहरुले कार्यक्रममा पुराना लोकप्रीय श्रष्टाहरुको सम्मान र सम्झना गर्दै उनीहरुको गीतहरु पनि गाएका थिए ।
सो कार्यक्रमका प्रमुख आकर्षक नेपाली लोक तथा दोहोरी गीत संगीतको कार्यक्रम ‘इन्द्रेणी’का सञ्चालक तथा नेपाली लोक तथा दोहोरी गीत गायक कृष्ण कंडेलको विशेष उपस्थीती रहयो । यतिबेला कंडेल अमेरिकाको विभिन्न सहरमा पुगेर सांगीतिक कार्यक्रमहरु गर्दै नेपाली समुदायसंग साक्षात्कार गर्ने दौडाहा अभियानमा व्यस्त छन् ।
त्यसैगरी, चर्चित लोक तथा दोहोरी गायिका निशा सुनार, गायक बिमल डाँगी र संगिता थापा न्युयोर्कबाट नै कार्यक्रम स्थलमा आएका थिए । कार्यक्रममा लोक तथा दोहोरी गीत गायक कृष्ण कंडेल, निशा सुनार, बिमल डाँगी, मिन केसी, संगिता थापा, शान्ता थापालगायत कलाकारहरुले न्यूइंग्ल्याण्डवासीहरुसंग साक्षात्कार गर्दै आफ्ना सांगीतिक कोसेलीहरु प्रस्तुत गरेका हुन ।
कलाकार र बिषेश अतिथिलाई समेत आयोजकको तर्फबाट धन्यबाद ज्ञापन गरेका छन् । ‘बोस्टन लोक दोहोरी समूह’ अमेरिकाको न्यू इंग्ल्याण्ड क्षेत्रमा बस्ने प्रवासी नेपाली कलाकारहरु आबद्ध गैर मूनाफारहित संस्था हो । यसको स्थापना सन् २००७ मा नेपाली लोक तथा दोहोरी गीत÷संगीतको संरक्षण, संवद्र्धन र प्रवर्धन गर्न सक्दो योगदान पुर्याउने मुख्य उद्देश्यले भएको थियो ।
संस्थाले नेपाली लोक तथा दोहोरी गीत गायक तथा समाजसेवीको परिचय स्थापित गराउन सफल कृष्ण कंडेल र उनीद्वारा सञ्चालित लोकप्रीय कार्यक्रम ’इन्द्रेणी’लाई सक्दो नियमित आर्थिक सहयोग गर्ने हेतुले सन् २०१७ मा ‘इन्द्रेणी कोष’को स्थापना गरेको हो ।
पुराना कालाकाल तथा नयाँ कलाकारहरुले कृष्ण कंडेललाई अमेरिकामा भेटेन पाउदै निकै खुशी व्यक्त गरेका छन् । ५०को दशकमा टेलिभिजन मार्फत लोकदोहोरी कार्यक्रम सञ्चालन गर्ने वरिष्ठ कलाकार रामप्रसाद खनाल र अध्यक्ष कंडेलको समेत अमेरिकामा भेट भएको छ ।